攬子燒炭：留遺書指母子曾商量一齊搵爹哋

沙田婦人攬子燒炭雙亡，據悉，45歲女死者在寓所留下數頁遺書，內容主要透露因非常深愛丈夫，故不捨丈夫離世，選擇與兒子同死，亦透露自己曾與兒子商量一齊「去搵爹哋」。其夫上月因生意周轉不靈自縊身亡後，女事主一直悶悶不樂，未能解開心結，最終偕9歲兒子在充滿回憶的七人車內燒炭。

女死者生前與丈夫及兒子同住馬鞍山輋下村，街坊在得悉女事主偕子隨亡夫赴黃泉後，俱感到震驚及非常惋惜。據街坊透露，女死者生前與丈夫非常恩愛，一家三口樂也融融，經常駕駛七人車出外遊玩享受家庭樂。

據女事主租住村屋的女業主簡太表示，10多年前，事主夫婦是以男女朋友關係租住其單位，之後「睇住佢哋結婚生仔，兩公婆好恩愛，一家三口經常揸車出去玩」。由於女事主為家庭主婦，故每日也接送兒子到九龍塘上學。

今晨得悉慘劇後「好難過，好唔安樂」，並憶述：「過年時，見到個女人好瘦，成個人落晒形，日日戴住口罩，仲以為佢患感冒，個男人就好耐無見，仲以為佢搬走咗，原來當時已經過咗身。」

簡太續稱，本周日，女事主如常交租，還表示因丈夫經常要到新加坡做生意，故3月便會退租，從未提及丈夫已經過身。簡太又讚女事主為好租客，除準時交租外，今次燒炭也不選在屋內，並無連累她，並說︰「佢真係好心！」。

男事主生前開設物流公司，其父母則居於沙田禾輋邨。街坊稱，上址現時只有兩老居住，但不時也有兒孫到來探望。