火炭路司機睇錯燈　釀3車互撼1人傷

沙田發生3車連環碰撞意外。昨(27日)深夜11時許，一名58歲姓周男子，駕駛寶馬房車沿火炭路行駛，期間轉入樂景街時，剛好31歲姓黎司機駕駛客貨車由火炭路落斜駛至，收掣不及攔腰撞向房車左邊車身，房車打「白鴿轉」剷上路中石壆，橫掃燈箱及指示牌，繼而衝入樂景街，打橫撞向停在路口等候轉燈的88K線九巴。

意外後，房車兩邊車身嚴重損毀，右後轆幾乎甩脫，碎片飛濺擊破巴士下層玻璃，幸車上乘客不多，無人遭殃及，僅客貨車一名29歲姓郭女乘客報稱胸及頸痛，由救護車送院治理。警方封路調查肇事原因，初步懷疑有司機「睇錯燈」轉彎肇禍，現場交通一度受阻。