每日一片:兩車鬥唔讓塞住成條街 邊個唔啱?

20180307
東網電視
更多新聞短片
大埔兩車在單線雙程行車發生爭拗。(影片截圖)
未知是否人多車多,香港人揸車愈來愈心浮氣燥。有私家車司機日前上載一段車Cam片,指自己駕駛經過大埔一個路口時,因路邊有死車阻塞,迎頭的車要越線轉彎。當他起步時,一架新界的士卻同時轉彎,的士疑不忿私家車阻路,在原地打死火燈近一分鐘。兩車停低膠着,令路面造成擠塞,私家車司機慨嘆:「仲要停車玩嘢,你都要睇下對面線有冇車先,唔好老馮先得。」
事發於上周六(3日)下午1時許,上載影片到Facebook群組「Tai Po 大埔」的寶馬私家車司機表示,當時在大埔廣福邨的一個路口,由於路邊有貨車停下阻路,因此對面行車線的車、包括客貨車及巴士均要越過分隔白線借位轉彎,而私家車亦有先讓轉彎車行駛。
但正當私家車駛前時,該輛迎頭新畀的士亦同時轉彎,由於的士正騎着他的行車線,因此兩車膠着在路口中。的士司機疑因不滿私家車阻路,即時打死火燈停在該路口逾1分鐘,令後車不能前行。兩車膠着期間,有私家車強行褪車及轉彎,令路面交通更添混亂。直至1分鐘後,的士司機才施然離開現場。
事後私家車司機在網上直斥的士司機停車「玩嘢」:「我都明白廣福條路有車泊咗喺邊,你要過對面線行,但你都要睇下對面線有冇車先,唔好老馮先得。」有看過影片的網民認為的士司機有錯,但私家車司機似乎也有做得不對的地方:「的士跟前車轉彎,畀前車遮住部分視線,當佢見到你時都已經踩過線,你想佢點?規矩死,人係生嘅。『你條線』呢個時候已成為單線雙程行車的『通道』,大家讓讓咪幾好,何必咁執着?」