勁驚險!私家車爬頭 單車友失控撼迎面車

20180313
東網電視
更多新聞短片
有單車友騎車時突然失控撼對頭車,險釀成意外!(設計圖片)
單車友失控撼車險喪命!近日有網民上載車Cam片,直擊多名單車友於元朗錦田公路騎車時,其中一名單車友突然失控撞上私家車,情況驚險!
事發於周六(10日)中午12時許,片中可見,當時有多名單車友正沿着錦田公路騎車,尾隨的一輛黃色私家車,先爬頭越過兩名單車友,再加速直駛,越過前方另一輛單車。
惟該名單車友突然失控,更切過對面行車線,迎頭撼上一輛黑色私家車。幸私家車及時煞停,始未釀成意外。單車友倒地後自行起身,私家車司機亦落車查問其傷勢。
有關片段其後被上載至社交群組「馬路的事討論區」,引起網民熱議。有人推斷單車友失控自炒:「應該單車太靠邊,撞到地面條壆,自然反應扭右」;亦有人估計是黃色私家車不小心碰到單車︰「可能黃色車撞到把手,單車彈向對頭車」。
究竟真相係點?大家自己睇片喇!
---------------
《港呢啲》:大事小事騎呢事,東網嚴謹選題,輕鬆製作!