搜查線:刮花車反鬧司機遭公審 惡乘客遲道歉有苦衷

20180319
東網電視
更多新聞短片
乘客遲到又被刮花車爆發爭拗,網民紛批評乘客「無理取鬧」、「做大帝」。
乘客遲到又被刮花車,真的是職業司機「意料之內」的事?日前有客貨車司機與乘客因「刮花車」和遲到的問題發生爭執,惟司機被「問候」後一直未收到道歉,無奈將爭吵的片段放上網,望一眾網民能替他評理,網民紛批評乘客「無理取鬧」、「做大帝」。東網找到事件中的主角現身說法,司機苦訴「希望人識得尊重司機」,而事後迅即遭人起底的惡乘客,直認在此事上有過失,事後亦飽受滋擾。
「成件事其實好小事,只要佢同我講一聲唔好意思,或者我個心都會舒服啲。」客貨車司機阿麟憶述事件仍一肚氣。本月10日晚上約10時,他接到一張由葵涌到荃灣的「柯打」,客人聲稱10分鐘後才會落到樓,「計埋車程等咗20分鐘有多」。當他嘗試致電催促客人,卻獲得「你都預咗等㗎啦,做Van仔」的答覆。
其後有兩名男子推着一箱樂器上車,「跟住上貨時撞到我個(輕型貨車)尾泵把」,他便道「師傅,唔該小心啲,幫幫手。」其中一名男子則說「你哋做嘢,預咗㗎啦!X,行啦!畀錢你整車啦。」司機遂提出不接此單,要求二人搬樂器落車。豈料其中一人突然破口大罵,阿麟說:「之後又要我幫佢落(樂器),又投訴,仲問候媽媽,張單先85蚊, 唔知以為8500蚊!」
事後他將車內攝影機片段上載至社交群組,兩乘客隨即被網民斥責「無品又無禮貌,唔識尊重人就唔X使畀面佢」,批評二人「畀少少錢當大帝」、「當司機唔係人?」更有人聲言「佢咩電話?玩X佢呀!齊齊打去問候佢家人!」
阿麟更發現年廿七才落地的新車事後遭刮花,直言「車其實我就預咗花」,嘆道「司機都係人,我好客氣同你講,點知你就咁樣問候我,咁咪好多司機都要帶埋阿媽返工先搞得掂?」又認為二人並沒有歉意:「個台(叫車程式)話佢哋攞咗我電話想道歉,但我一直都收唔到佢哋電話。」
不過,涉事兩名惡乘客現身解畫指的確希望道歉:「我哋都知我哋態度唔好,所以都希望喺度同個司機講返唔好意思。」乘客之一的Alone形容,當時發火鬧司機的友人Roland脾氣較「火爆」,自認識他到現在已有一定改善,「但係脾氣都唔係一時三刻可以改得到」。他們承認在此事上雙方均有問題,惟他不熟車,「我眼見就見到好似冇花,但的確係我哋唔小心。」
問及為何未有致電司機,Roland則解釋,「其實嗰日我哋都諗住打,但係之後就無啦啦畀人公開咗我電話同公司地址,就冇意欲打返去。」他又指,接連數日收到不少「沒有來電顯示」的電話,他雖未有接聽,但對其日常生活有一定影響:「網民其實都有份搞垮呢件事!」
二人再批評網民未審先判,「依家呢個風氣先係最大問題,今次就話我哋都有錯,萬一我哋真係畀人冤枉呢?好似之前有間餐廳畀人話賣羊係賣狗,啲網民都累到人好慘。」他又提及網上言論毋須負責任,事後收到不少很難聽的私訊和留言,「依家個網絡風氣係,人人都只想揭穿他人面具,令人同人之間冇咗互信同包容,咁樣真係好咩?」對於事後被「起底」兼公審亦大感無奈。
-------------------------
《骰寶坊》誠邀各地【賭王】【賭后】挑戰神人境界,每日更有百萬籌碼等你領取!
立即免費下載,體驗《骰寶坊》最真實、刺激的多人在線骰寶遊戲!
遊戲下載:https://goo.gl/j16mcF