補鑊派錢︰林鄭否認「跪低」 莫非是踎低 ?

財政預算案上月底甫出爐，已被社會各界鬧爆派糖不均，未能惠及基層，其後財政司司長陳茂波將責任卸落關愛基金「補鑊」，結果又係被人鬧爆，直到今日(23日)終於「跪低」，轉軚向市民派錢，提出向每名合資格市民派發4000港元津貼。不過，特首林鄭月娥就否認「跪低」，如果唔係「跪低」，唔通係「踎低」咩！

林鄭月娥出席活動時被問到，政府決定派錢是否「跪低」。她就反問「點解你哋一定要形容咩跪低嘅呢﹖」指陳茂波在過去3個星期聽取了很多意見，故推出計劃，事前亦有與她商量。其實當初政府一直企硬唔肯派錢，如果唔係被各黨派及市民鬧爆都唔會轉軚派錢啦，林鄭咁都唔認係「跪低」，唔通佢覺得「踎低」派錢？