政Whats噏:熊貓盈盈生B無期 孔令成話有壓力

20180401
東網電視
更多新聞短片
大熊貓盈盈至今仍未生B。(資料圖片)
海洋公園係香港唯一飼養大熊貓嘅地方,可惜至今仍未有一隻喺香港出世嘅大熊貓,海洋公園主席孔令成都話好想大熊貓盈盈快啲生BB,日本等地嘅大熊貓都已經生咗,令到佢都覺得有壓力,公園已經盡量做,亦已經試過好多方法,希望盈盈可以早生貴子。
孔令成又提起,自己十幾年前仲未做主席時,喺海洋公園食嘢,覺得勁難食,即刻出錢買咗啲嘢食畀董事局試,個個都覺得唔好味,之後就決定要改變,所以依家就親自同廚師一齊試味,又周圍請教人,食物嘅質素都明顯提升。
近日海洋公園舉辦歌酒節,明日(2日)係最後一日,孔令成計劃將部分歌酒節嘅攤位,做好所需嘅改劃同牌照申請後,變成永久攤位。海洋公園多次推出晚間免費入場,孔令成話,園方都小心控制人流,擔心人流過多,會影響顧客感受。