足總盃東方龍獅撼香港飛馬　東網5時半直播

收看直播，請按東網APP頂部的直播ICON；或按以下直播Link： http://tv.on.cc/live

「足總盃」最後一場8強大戰，周日(8日)於旺角場爆發，由東方龍獅硬撼香港飛馬。貴為聯賽「2哥」的飛馬近況甚勇，上場作客廣州贏波更把士氣推上高峰！另邊廂「藍衫軍」東方突然陷入傷兵潮，惟主帥李健和卻表示「未驚過」，今仗仍會盡最大努力爭取晉級。究竟雙方哪一隊可以趕上4強尾班車？球迷記得留意東網直播！(東網on.cc周日下午5時30分直播)

東方龍獅近期戰績有所下滑，繼菁英盃賽和陽光元朗，上場聯賽鬥和富大埔又以0比1落敗，主教練李健和指球員狀態其實不俗，下半場也創造了不少攻勢，輸波全因把握力不及對手所致。

然而，該仗左閘黃梓浩、中場鞠盈智先後退下火線，加上原有的沙巴、勞高、徐德帥、梁振邦、張健峰等多名傷兵，令東方人腳更見緊絀，惟「和哥」卻處之泰然︰「足球就係咁㗎啦，好多因素你未必估計得到，始終我哋都有足夠球員，可以作出調動。其實只要佢哋用盡全力，我相信會方都收貨！」

於聯賽取得3連勝的香港飛馬，球隊上仗作客廣州燕子崗體育場，以3比1擊敗R&F富力，主教練楊正光稱該場贏仗令球員「生晒」︰「喺場地、環境等不利因素之下，加上利馬賽前受傷，好彩大家都能踢出隊形，最終喺客場贏波，令球員信心大增。」

其實雙方早前於聯賽交手，東方龍獅就慨贈飛馬3隻光蛋，今午再於足總盃碰頭，儘管東方近2戰不勝，但「光Sir」仍不敢輕視對方︰「東方始終有一定嘅質素，加上今場係盃賽，我諗佢哋餘下落嚟嘅目標都係喺呢度，相信佢哋都會搏盡。睇番佢哋上場對大埔，可能係天氣同場地影響發揮，但係今次我哋喺5點半開波，相信佢哋會踢得好啲。」至於上仗因大腿肌肉繃緊而缺陣的利馬，經過休息後亦有望復出。