航拍又見大橋人工島海堤消失　路政署跟進

港珠澳大橋人工島海堤石躉散落情況變得更嚴重？已解散的香港民進黨主席楊繼昌今(11日)凌晨在其個人社交網頁Facebook，轉載一段其朋友近日從飛機上，高空拍攝港珠澳大橋人工島最近情況短片。楊指從片段可見，人工島防波堤前端的石躉已「隨機被消失晒」，變得「光禿禿」。不過，亦有網民質疑是因為拍攝時正值潮漲所致。路政署表示，正跟進事件。

楊繼昌在Facebook發貼指，來自朋友前日(9日)在飛機降落香港赤鱲角機場前拍下的最新真航拍，拍得港珠澳大橋人工島防波堤的最新情況，有關短片亦在網上播放，標題是「匪夷所思：港珠澳人工島最新航拍，防波堤已經隨機消失」。

從片段所見，「港珠澳人工島的防波堤，已經隨機消失，人工島前端就如張建宗和陳雲的頭頂一樣」。楊繼昌以手機轉拍該片段畫面，並旁述指，「你望真啲，依家(石躉)係沖散晒，沖走晒、無晒」。 不過，楊繼昌沒有提及，片段中的港珠澳大橋人工島是東面還是西面，但依外型及顏色推斷，相信是港珠澳大橋東人工島。

楊繼昌又指，路政署早前開會指人工島在安全性、科學性、合理性都符合要求，但根據其朋友在飛機窗口拍下的片段可見，「前面啲石唔係隨機擺放，而係隨機被消失晒，光禿禿架……請問點解釋呢？係咪仲要繼續講大話落去呢？呢啲係咪納稅人的錢？沖走咗啲石躉啲錢，請問我哋問邊個追返呢？係咪你路政署署長追返？定係運輸及房屋局局長陳帆畀返我哋呀？」

不過，部分網民看畢片段後留言，質疑是因為潮漲期，並提醒大家要觀察防波堤的水位。有網民指「依家講緊喺前端啲弱波石又減少咗(更可能是沖走晒)，唔通當潮退後啲弱波石又再出現？」另有網民則直言，「是但一個島咁樣都大鑊啦」。