功課繁簡夾雜　小五生遭網民狠批　事件另有內情？

東網電視

一份小五學生功課，竟然引起網民熱議？（設計圖片）

近年港人積極捍衞繁體字，誓要保護中華文化。最近就有人於社交網站表示，就讀小五的表弟因做功課時繁簡夾雜，甚至寫有日文漢字，被老師要求重做。不少網民支持老師做法，惟《港呢啲》聯絡上發貼者後，發現事件另有內情！

從社交群組「Tai Po 大埔」的圖片所見，該學生於功課中，寫下繁體字、簡體字及日本漢字。當中包括「廣東」寫成「広東」、「寶安縣」寫成「宝安県」、「南京條約」寫成「南京条約」，以及「專條」寫成「專条」。功課旁邊被人以紅筆批改︰「這是什（甚）麼字？重做」！

記者翻查資料，發現「広」、「宝」、「県」及「条」均為日本漢字；而簡體寫法則為「广」、「宝」、「县」及「条」。換言之，日本漢字中「条」及「宝」寫法，與簡體字寫法相同。

不少網民質疑該學生為何會寫日文、簡體，明言支持老師做法︰「明明香港用正體字，冇啦啦寫咩簡體」、「抵死」、「希望老師能夠堅持」。

網民群情洶湧，但原來齊齊「炒車」？《港呢啲》其後聯絡上發貼者Mango，他表示貼文為「造假」︰「份功課同紅字，都係我自己寫的」。

現為大專學生的Mango表示，這是一次社會實驗︰「我見依家香港人對簡體字好敏感，見唔係正體字就反，所以設計咗今次嘅實驗。反應同預期都差唔多，不過估唔到佢哋認唔到日文漢字」。

經過是次實驗，他認為證明了香港人政治壓力太大，不懂放鬆，「香港人唔諗住思考真假曲直，政府應該檢討吓點解依家啲人對呢啲小事都咁敏感」。他認為，若政府不支持普教中及個人遊政策，香港人便不會如此敏感。

你又認唔認同佢嘅講法呢？

---------------

《港呢啲》：大事小事騎呢事，東網嚴謹選題，輕鬆製作！

on.cc東網