網民熱話：黑恤男屈人非禮 正義大叔證虛構
20180415
東網電視
更多新聞短片
黑恤男(右)「屈人」非禮其妻(左)。(互聯網)
忍一時風平浪靜，身邊有小朋友卻為了小事嘈交，面臨起底，多無謂呢！多個Facebook群組瘋傳一則巴士上故事，據形容，一對夫婦在巴士上因囡囡敲櫈發出噪音被男乘客望一望，疑為丈夫的黑恤男便與男乘客不咬弦，阻人下車。最令網民起火是黑恤男一度「屈」男乘客非禮其妻，幸有目擊經過的大叔挺身而出，力證有人虛構事件，雖然大叔夾雜粗口，但網民狂給like：「呢啲真係要起底組做嘢，好彩有正義大叔！」
據fb貼文描述，正義大叔成功阻止的一宗「明屈事件簿」，發生於昨日(14日)近傍晚時分開往馬鞍山的81C線巴士上。當時，黑恤男的囡囡用物件敲櫈發出噪音，坐在前面的一名青年因此望了小女孩一眼，該對夫婦即指摘青年「兇」小女孩，黑恤男更挑釁青年以拳腳解決事件。
更甚是當青年欲下車之際，黑恤男即用腳攔住，還指青年非禮其妻而要報警。不過，整個過程也有人目擊，一名大叔更看不過眼便開聲指摘黑恤男「屈人」，黑恤男即面懵懵，無聲出。
網民有話說
Fatlung Chan：好在有人睇唔過眼，唔係個靚仔硬食！
Ada Kam Chiu Chu：自己想小朋友有好品格，唔係背書，係以身作則！
Kelly Wong：比(畀)多多掌聲果(嗰)個俠士。
Mei Yee：帶住個女都咁賤格，不知所謂，教壞自己個女呀。
Chikan Fung：香港真係好多冇品又野蠻既(嘅)人
※緊貼網民熱話，掌握最熱話題，請關注網民熱話fb：