政Whats噏：吳秋北膺工聯會會長　黃國任理事長

工聯會今晚(16日)改選領導層，出任咗兩屆會長嘅林淑儀退下火線，升任榮譽會長，由理事長吳秋北接任會長一職，而立法會議員麥美娟重返常務理事會，並出任副理事長。

工聯會每三年進行一次換屆，並且係今晚選出第37屆領導層。自2009年起出任理事長嘅吳秋北升呢坐正會長，喺未來三年負責領導工聯會，而理事長一職則由目前兼任秘書長同司庫嘅副會長黃國接任。

本來出任副會長嘅立法會前議員潘佩璆同陳有海亦退下火線，新一屆共有4名副會長包括身兼行政會議及立法會議員嘅黃國健、周聯僑、梁頌恩同唐賡堯。

10名副理事長當中，包括咗麥美娟，據了解係睇中麥美娟可以擔當立法會與工會之間嘅橋樑，先令佢成為工聯會嘅領導層喇！