網民熱話：信用卡手機支付巴士車資？九巴：研究中

遲啲搭巴士唔使驚八達通餘額不足又冇散紙？九巴總公司載通國際 (0062) 今日(16日)發表2017年年報，當中與董事總經理對談環節中，提及九巴和龍運巴士會研究引入除了現金和八達通以外新的繳付車資模式，意味不久將來坐巴士可能有機會用到信用卡拍卡、甚至手機支付車費。

該年報中回應如何應用科技以提升巴士服務時，董事總經理李澤昌以書面回應表示：「我們注意到電子支付系統愈趨成熟和普及，九巴和龍運會研究引入新的繳付車資模式，讓乘客在現金和八達通以外，有更多的選擇。」惟報告中並未提及引入哪種新方式，亦未有提供新繳付車資模式的時間表，似乎距離新服務還需一段時間。

網民紛紛猜度最終會引入哪一種新的繳付車資模式，有人認為引入新支付模式是好事，但擔心會增加乘客上車時間，一旦繳費失敗：「分分鐘磨成分鐘都仲未畀到錢。」

網民有話說

YoungMan：其實巴士有Wifi，要搞線上付款系統唔難。

Brianonly：Apple Pay/Samsung Pay都好，嗰啲垃圾WeChat同支那寶就咪搞，分分鐘磨成分鐘都仲未畀到錢！

a396：最簡單嘅係拍八仔卡畀錢，一定唔慢！

※緊貼網民熱話，掌握最熱話題，請關注網民熱話fb：