「手機食先」未及撳?　短髮女遭醉漢擸電筒扑爆頭

葵涌女子影相開心Share，被醉漢埋怨唔撳升降機掣，慘遭擸電筒扑爆頭！今晨零時27分，一名任職電訊公司、蓄短髮的姓沈（26歲）女子，與一名同齡女友人返回葵涌邨寓所，兩人於葵涌街市一間便利店購買甜筒後，步至電梯大堂，並站在距離升降機旁約5個身位的位置，2女「手機食先」專心拍攝甜筒。沈女憶述：「我哋當時根本未諗住搭?，所以冇撳掣，呢個時候有個男人走過嚟，話：『你兩個唔搭?，企喺度做咩』，我哋無理佢，佢就一直『睥』住我哋，我同佢講：『你再睥住我就叫非禮！』」

該名染有金頭髮、身有酒氣的男子，獨自進入升降機後，轉身再用爆粗辱罵2女，及後他愈說愈激動，衝出升降機。據沈女同行友人拍下的片段可見，醉漢的右手捉實沈女的右手推至牆邊，再扯住沈女頭髮及叉頸，將其頭部掹撼防煙門，歷時約20秒，沈女頭及手受傷。

此時，有數名男街坊步出升降機，見狀即時上前將2人分隔，帶至商場，沈女無奈地向「救兵」指：「我唔識（醉漢）㗎，我企喺度無撳?，佢無啦啦X我老母，我無鬧過佢」。此時醉漢繼續囂張大叫：「佢X我老母呀」、「你報警吖，報唔報呀？你唔報我再打過你」，說罷更開始脫去上衣，疑企圖再有所動作。

男街坊即時阻止醉漢，向沈女謂：「算啦人哋咁大隻，同啲醉酒佬唔好嘈，你依家企喺度無意思」，惟沈女甚感委屈道：「我咁樣畀人打，你叫我算？」隨後取出手機報警。期間，數名男街坊着2女自行到便利店「避風頭」，坦言：「我哋走㗎啦，邊個保你」，兩女只好走回便利店，女友人躲進店內，而沈女則站在門口等警員。

約4分鐘後，醉漢手持一支約一呎長的黑色電筒，竄到沈女右後方，用電筒掹力扑向其後腦10多次，沈女猝不及防登時頭破血流，負傷逃離現場。醉漢再衝入便利店追着女友人圖攻擊她，但跑了2個圈仍未擊中，惟有持電筒離開。

救護員到場將沈女送院治理，警方在現場兜截，終在葵涌邨碧葵樓一單位，拘捕涉案的姓譚（51歲）男子，帶署扣查，案件列作傷人，交葵青警區刑事調查隊跟進。

沈女指，其頭及手受傷，有傷口長達2厘米需縫3針，另又接受腦掃描及X光檢驗，預料2、3日內不能上班。其兄長接到消息趕到醫院探望，表示胞妹的右手臂及右背被扑至紅腫，而後腦需縫針，大嘆：「無諗過唔撳?會畀人打！」