石棺案阿T稱與阿豪買英泥封屍　曾附和「斬咗佢」

2016年3月在荃灣工廈發生的石棺藏屍案，3名男子曾祥欣(花名「阿T」)、劉錫豪(花名「阿豪」)及張善恒被控一項謀殺罪，案件今(24日)在高院續審。控方繼續播放首被告曾祥欣與警方會面的錄影口供，警員向曾展示多張案發荃灣工廈DAN6的閉路電視拍攝的截圖，曾根據截圖，承認於前年3月4日案發當天早上11時07分，他將買回來的麻繩及白色米袋帶返大廈，他解釋麻繩是用作綁住死者張萬里，「諗住整暈佢」；米袋平時則當垃圾袋用，但當時次被告劉錫豪叫他買米袋，他意會到劉會用米袋笠住張萬里的頭後扑暈對方，劉「唔想人認得佢」。

截圖顯示第三被告張善恒手執一個膠樽及一些工業用白手套，曾聲稱該膠樽來自他平時買哥羅芳的店舖，但不肯定樽內液體是甚麼，他解釋「我哋出去係分開買嘢」，他打開樽蓋聞過，望到樽內液體是淺黃色，但顏色不似是哥羅芳。警員問為何要買這樽液體回來，他答「因為屋企無晒，劉錫豪叫買定先」。

截圖顯示同日中午12時21分，曾與張善恒及張萬里上樓。下午2時54分，曾及劉用手推車，將4包沙及2包英泥粉推上樓。曾解釋沙及英泥是劉錫豪提議買，目的是準備封屍，警員追問他為何封屍，他指因為張萬里「變咗條屍」，劉掩住張萬里的口鼻令對方窒息死去。警員問他為何幫助劉封屍？他回答「因為佢喺我屋企搞咗啲咁嘅事件出嚟，惟有幫啦」，警員問他是否受到威迫利誘？他說「佢(劉)話如果唔幫手，我哋都係共犯」。他又指，與另兩被告商議期間，有人提議「斬咗佢」，他附和，亦有提議「自首啦，都係判幾年㗎啫」，不過無人理會。