被氹行10分鐘送重物　外賣員︰唔該都無聲！

有外賣員在網上大吐苦水，指自己被普通話大學生「哄騙」，令他行足10分鐘運送沉甸甸的食物，對方最後連一聲「唔該」都無！他大嘆︰「覺得好心都要比（畀）人耍左（咗）鑊」。

「不吐不快，外賣仔系列」有網民在社交群組「Tai Po 大埔」發貼，指當日按訂單要求，將食物送到香港教育大學正門。客人到達後，以普通話問他能否幫忙將食物送到校內指定地方，「大約兩分鐘」。

外賣員不虞有詐，心想「2分鍾（鐘）都應該轉個灣（彎）就到」，遂一口答應，豈料路程之遠超乎預期，「遠都算，仲要係（喺）度漫步」，發貼者形容當時客人踱步姿態猶如欣賞風景，嘆謂：「唔會諗下跟你行條友攞住幾X重野（嘢）」。最令他不忿的是，對方事後「連唔該都無聲」。

該外賣員並上載一張相片，標示出當時的步行路線。他稱，公司一向不要求員工將食物送進校園內，自覺「好心都要比（畀）人耍左（咗）鑊」。

不少網民同情發貼者遭遇︰「由門口行入呢度，2分鐘跑都跑唔到啦」、「果（嗰）邊真係十幾分鐘…辛苦晒你啦，代佢地（哋）講聲唔好意思」。惟有人覺得，發貼者當時心軟，不能怪罪客人︰「為天下男學生出分力，做一日無名英雄！」

---------------

《港呢啲》：大事小事騎呢事，東網嚴謹選題，輕鬆製作！