探射燈：劃蚊型檔口 商戶難經營
20180429
東網電視
更多新聞短片
李先生批評，西貢街市檔口舊式劃位過小，檔戶難以經營。
除了街市老化問題苦煞商戶，街市部分設計過時，亦同樣帶來不少困擾。西貢街市菜檔東主李先生批評，現時該街市檔口舊式劃位過小，只有2米乘1米，令檔戶難以經營。
李先生直斥，「現代街市主打種類多元化，我哋放得個雪櫃，就已經冇位擺檔，夜晚仲要規定我哋將所有貨收番入舖，得咁細地方，點做生意？」而水果檔東主清姐更無奈表示，為解決存放問題，只好多租8個舖位，額外支出近萬元，用以擺放雪櫃保存水果。「冇計，啲生果來貨貴，如果唔好好存放，好快就會壞。」
西貢區區議員李家良直指，當區街市落成近30年，不少檔口設計已不合時宜，有逼切的重建需要，「有唔少檔主用4、5千蚊投咗個檔位番嚟，嚟到先知個位得豆腐膶咁細，做個零月就唔做。」
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！