鑽飾失蹤:孩童妒忌心有時大到你唔信 需顧其感受

20180501
東網電視
更多新聞短片
萬家輝表示父母要關顧子女的感受。(資料圖片)
註冊輔導心理學家萬家輝博士表示,一般而言,小朋友在6至10歲最「黐」父母,尤其來自單親家庭的小朋友,在他們的認知中,一個家庭的組合只有自己與父或母其中一個,兩人有緊密聯繫,亦最為依賴。若突然父或母多了一個新伴侶,更搬入寓所同住,他們年紀尚幼「未識諗」,在未做好心理準備下,或會不知所措,不明白為何注意力不再集中於自己身上,繼而產生複雜的情緒,包括生氣、妒忌,亦會打破對父母的信任,覺得被對方出賣。
由於小朋友不懂得表達情緒,故會做出一些「曳曳」行為圖吸引父母注意,甚至傷害自己,例如鎅手、扯頭髮及拍拖等。萬家輝懷疑,今次事件的女童或因此而藏起父親女友的鑽飾。
他續稱,若失婚父母結識新伴侶,切勿「一步登天」讓對方搬入住所同居,首先應關顧子女的感受,向子女闡明事情因由,並讓其與新伴侶有時間相處,他表示:「佢哋可以一齊出去食吓嘢玩吓先,或者畀個新伴侶嚟屋企坐吓,不過就唔好過夜,讓子女慢慢接受」。同時,亦應讓子女表達自身感受,「要畀子女講返自己鍾意定唔鍾意,要尊重佢哋嘅決定同感受,等子女同意先畀伴侶搬入嚟」。
萬家輝強調:「唔好唔理小朋友感受,佢哋嘅妒忌心有時大到你唔信」。他以其曾接觸的一個案為例,指有女童因接受不了父親的新女友,而將新女友的愛犬毒死。他建議,如子女接受不了其伴侶,可以待子女年紀稍長、心智成熟「開始識諗」,再作下一步行動,勿強行要子女接受。