搜查線：為拎山水爭崩頭 居民揭山水搶手之謎
20180502
東網電視
更多新聞短片
大家齊齊上山取山水，究竟原因何在？
山水豆腐花、山水豆漿，都特別香甜。吸引不少專程到郊區品嘗山水的大自然風味。將軍澳有山坡有山水流出，不少附近居民，每日都會將一桶又一桶山水帶回家。早前，有居民更為取得山水大打出手，需要警方到場調停。不過，究竟這個山水泉有何魔力令居民山長水遠前來取水？這個山水水質又是否如居民所說清甜無比？
將軍澳澳景路一帶的山坡，有不少山水流出。有人於石隙之間駁上喉管，方便大眾取山水。早陣子，有附近居民帶備器皿，到山邊取用山水，疑有人爭先恐後，雙方發生爭執，繼而動武。
記者到訪當日雖然是平日，但仍然有不少居民自備多個膠樽，到山坡取山水。於附近居住的陳先生謂，隔日就會來取山水，每次都會帶數個膠樽，裝滿山水回家。「山水冬暖夏涼，嚟依度拎山水超過10年啦，每逢星期六日都有唔少行山友嚟，要排長龍至拎到山水。」他本人喜歡飲用山水多過水喉水，因為用山水煲湯及沖茶分外清甜。「啲水好清，煲山水的水煲用成年，個煲底仲係好乾淨，唔同水喉水，個煲會好污糟。」
不過，另一位行山友黃先生則有不同看法。他表示，不敢飲用附近的山水，即使煲滾後亦不會飲用。「都唔知會唔會有細菌或者蟲，況且山後面就係墳場，都係安全啲好。」
有人覺得水喉水有怪味，山水較清甜可口，而選擇飲用山水，取代水喉水。究竟山水是否適合飲用？尚營坊高級營養師Thomas Lee表示，並不建議大家飲用山水。「首先大家唔清楚山水嘅來源，另外水中有機會含有雜質或者細菌，甚至單細胞生物，影響健康。」
若大家怕水喉水的氯氣味太重，他建議可將水喉水煲滾至攝氏100度後，不要熄火，再煲多半分鐘，有助揮發水中的氯氣氣味。如用電熱水煲，則可煲兩次，以減少怪味。
-------------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！