由想當差變犯法似被洗腦　阿K哽咽識錯阿T阿豪

2016年3月荃灣工廈石棺藏屍案，控方今午(3日)繼續播放第三被告張善恒(阿K)與警方錄取的警誡口供。張在錄影中語帶哽咽，向警方表示「我想懺悔」，稱後悔認識首被告曾祥欣(阿T)及次被告劉錫豪(阿豪)。他說「由認識佢哋開始，我就好似被人洗腦咁，由一個希望做警察嘅人，好戇居咁為咗錢犯法」。他指自己過往從未做過真正犯法的事。

他指曾、劉二人離間他與他母親的關係，又不准他與家人聯絡，對方教「你同屋企人一齊搞到自己無發圍，屋企人教你忠忠直直終須乞食，賺錢要放膽啲，咁先有所作為」。結果他由曾祥欣「包養」，他則做曾的跑腿，而他與母親相見機會微乎其微，對方更恐嚇他若與母親相見，他的母親可能「會有事」。

「至到做嗰一刻，我諗自己係咪黐咗線，如果當時我唔係箍住張萬里，而係推開劉錫豪，呢件事會唔會當做一個玩笑咁結束？而唔係搞到咁大件事？仲要幫佢哋處理埋屍體，跟埋佢哋去台灣，佢哋講乜就做乜，好戇居囉！」。他表示願意配合警方進行案件重組，「我想向所有人、死者家屬有個交代」。

張善恒又指，他聽從曾祥欣指示，向財務公司借下十多萬港元，但他不想連累母親幫他還債，因此想找機會從曾及劉身上取回一些錢，但二人誇下海口，教他做完犯法的事後「唔會有事」，還向他說「好多人Support(支持)你㗎，你坐喺度就賺到錢」。