政Whats噏:梁栢賢變身奇異博士 大講基層醫療

20180507
東網電視
更多新聞短片
PY今年於醫管局研討大會變身成為奇異博士。(醫管局提供)
公營醫療系統服務供不應求嚴重「爆煲」,連醫院管理局行政總裁梁栢賢(PY)亦要化身漫畫英雄,用超能力救病人!今日(7日)是醫管局一年一度研討大會開幕禮,焦點再落於梁栢賢身上。PY繼去年Cosplay寵物小精靈卡通人物「小智」,今年變身成為火熱的漫威英雄,由「Dr. Leung」變成領頭級一線英雄「Dr. Strange」(奇異博士),觀眾笑聲不絕。
醫管局大會以基層醫療為主題,PY提到,醫管局最具挑戰任務是人口老化和慢性疾病問題。PY又展示自己一張貌似老咗10年的P圖,圖中笑到十萬咁口打麻雀,更拉埋各聯網總監落水將大家P做「雀友」,咁大整蠱的原因是想帶出人口老化及長期病患問題。
PY提到香港有80%長者死於長期病患,有趣的是,雖然長者人口增長遠高於其他年齡組別,但長者和非長者患慢性疾病人數增長均相若各有5%,原因歸咎於現代人生活飲食不健康兼太懶、少運動,「就連閂個燈掣都要用Siri」咁話。未來醫管局朝着大數據和科技發展,例如不斷優化「智友站」等手機應手程式,最終目標做到實時醫療支援服務,令長者安享晚安,在家打住麻雀開心食藥「happy aging」。
早前宣布不續約的PY咁鬼幽默,睇來繼任人在以後的大會致詞上要有破突都幾有難度嘞!不過PY提提大家,佢預料最快會在明年7月先離職,即係下年大會仲有機會同大家見面。