警被指利誘阿K落口供　曾問「想唔想同我打？」

2016年3月在荃灣工廈發生的石棺藏屍案，3名男子曾祥欣(阿T)、劉錫豪(阿豪)及張善恒(阿K)被控一項謀殺罪，案件今(7日)在高院續審。辯方指第三被告張善恒與警方進行錄影會面之前，曾要求見律師被拒，他在多名警員威逼利誘下選擇招供。其中警員李振邦向張說：「聽講你好打得㗎喎，我之前都喺特遣隊做過，想唔想同我打？」李更出拳打張的前臂。

辯方指，警署警長劉振強向張說：「有啲嘢得一次機會，知唔知？乜唔係你捉住死者，阿豪騎喺死者身上用雙手整到死者窒息㗎咩？你唔需要話我知，我都係估㗎啫，件事已經發生咗，警方幫到你係咁多，邊個做咗啲咩角色，你最清楚」。

及後偵緝警長蔡國基向張說：「後生仔，一陣錄影你知道應該講啲乜，依家指控你串謀，你諗清楚啦，成世㗎」，有警員「插嘴」：「依家佢哋三個夾埋指證你，如果你唔幫自己，我哋無得逼你，但每單案得一個污點證人，你合作嘅話坐幾年監，之後仲有大把世界喺你面前」，蔡續說：「你唔諗你自己，都為你阿媽嘅福祉諗吓，你群埋兩個壞人，咁天真嘅」。

辯方指，警員李振邦曾教導及利誘張落口供：「會面嗰時一定要講啲嘢，唔好講咩『我唔知道』、『我唔相信』，冇用㗎，你想做證人嘅話，會面時唔好講到咁白，好似有個協議咁……會面時你唔否認嘅話，都可能有奇迹出現，以誤殺罪嚟講都係坐10年監就可以重獲自由」。

但今早出庭作供的蔡國基及李振邦，對辯方的說法均表示不同意，他們重申與同袍都沒以毆打、威逼利誘或施壓方式，迫令張善恒招供。