彎位過水氹　私家車失控撞壆　跣胎點自救？

天雨路滑，駕駛者易生意外。日前有車Cam拍攝到私家車駛過路上水氹，不慎失控跣胎撞壆，過程驚險。有多年教車經驗的師傅教路，到底跣胎要如何自救？

片段於周二（8日）被上載到Facebook群組「馬路的事討論區」。當時涉事私家車沿海泓道行走，當轉上西九龍走廊時，不慎駛中彎位的水氹。私家車跣胎打轉，直撞上天橋壆位始停下。

片段於網上惹起熱議，網民紛紛猜測出事原因。有人將意外歸咎於車胎，「一係換咗啲雞胎吧」，亦有人建議司機遇上水氹時不應踩油，「跣胎係唔可以踩死部車，應該收油救車再畀油」。

到底孰真孰假？駕駛教師協會理事長黎文傑曾接受《港呢啲》訪問，指出磨蝕的車胎較難「咬地」，或容易導致跣胎。

黎文傑指，駕駛者若不幸跣胎，拉手掣會加速甩尾；相反，司機應扭反手軚自救，「譬如佢個彎係轉右，喺甩尾期間要即刻扭番左軚，令到條行車路線拉番直」。他提醒駕駛者，雨天駕車應減慢車速，轉彎亦應慢慢收油，避免跣胎。

---------------

《港呢啲》：大事小事騎呢事，東網嚴謹選題，輕鬆製作！