阿T稱組織THERE是WhatsApp谷　曾吹水殺教宗

2016年3月在荃灣工廈發生的石棺藏屍案，3名男子曾祥欣(阿T)、劉錫豪(阿豪)及張善恒(阿K)被控一項謀殺罪，案件今早(10日)在高院續審。首被告「阿T」曾祥欣出庭自辯，供稱因自己一個住怕悶，所以邀請了另外2名被告及特赦證人「小草」何菱瑜等人，與他在案發的DAN6單位共住，他一直無正式工作，間中做散工，靠與死者張萬里合作從事借貸中介，以及進行網上買賣賺取收入。自2008年開始，他與死者建立生意夥伴關係，死者在財務公司工作，會要求他介紹其他人到財務公司借錢，有時他及死者又會找內地人到香港投資。

證供提到犯罪組織「There」會有賞金給予殺死死者的人，律師問他為何有該組織的存在？他解釋是源於「好耐以前成班朋友一齊傾偈，講好多平時唔敢講嘅嘢，喺群組度講，一開始係WhatsApp開咗個群組，咁如果群組都算係組織咁咪係組織囉」。他指群組原本取名「T.Here」，意思是他在群組入面，大家用群組「吹水傾偈」，後來大家都改稱群組叫「There」。他指次被告「阿豪」劉錫豪及與他們同居的梁俊賢也在群組入面，死者也曾經在群組入面。

律師問他有否講過死者的人頭值2000萬美元？他說「我唔係講話人頭，係話個人價值，呢個純粹講笑，我亦都講過自己值5000萬美金」，他解釋所謂「個人價值」其實只是「攞嚟講笑嘅一個點，話佢搵到幾多錢，畀人感覺佢搵到呢個價值」。他指他們有時在DAN6單位的閣樓及在星巴克咖啡店，借「There」名義開會，但開會時「傾好多唔同類型嘅嘢，傾邊個值幾多錢，講吓大家幻想做唔同類型嘅犯法事」，而由始至終都無人覺得他開會時所講的是真說話。

第三被告「阿K」張善恒的證供提到，「There」入面有一個「delete record list(刪除記錄名單)」，殺死名單內的人可獲得賞金。曾解釋這個名單只是貪玩所設，名單內「有啲好搞笑嘅人，例如教宗呀、總統呀，都係我地FF(幻想)出嚟嘅list」。