石棺藏屍案　阿T指阿豪堅持打劫死者

荃灣工廈石棺藏屍案，3名男子曾祥欣(阿T)、劉錫豪(阿豪)及張善恒(阿K)被控一項謀殺罪，案件今日(10日)續審。

曾祥欣憶述2016年2月底至3月初，死者「阿J」張萬里致電約他外出，商談澳洲房地產項目，想問他借錢，後來次被告「阿豪」劉錫豪及第三被告「阿K」張善恒也加入，當時阿豪已認識阿J有3至4年，他憶述阿J一度帶他走到酒吧外面，才叫他問過往合作的金主借錢，他直覺阿J不想其他人聽到。

離開酒吧後，曾祥欣與阿豪及阿K步行回家，過馬路時阿豪突然說「哎吔，今日冧佢唔到，整暈唔到佢，攞唔到錢，無得同大佬交代」，他追問阿豪何謂「冧佢唔到」、「無得同大佬交代」，阿豪說「你唔好理啦，總之下次如果約佢，就叫埋我出嚟」。他理解阿豪提到的「冧」，意思是「劈冧佢、隊冧佢呀，飲醉酒之類」。

曾供稱直至2016年3月3日，阿J已致電他「百幾二百次」，他感覺對方好煩遂將其電話號碼在手機上設置入來電攔截程式，他認為阿J想詐騙他：「我覺得佢都唔似搵我借錢，似係想搵我笨多啲」。他最先提議整蠱阿J，阿K回應「唔借錢畀佢咪算囉」，阿豪卻說「唔借錢畀佢，老笠佢一次咪算囉」，他因此支持打劫阿J，提議於案發3月4日凌晨在觀塘海濱長廊打劫阿J。

按照三名被告原本計劃，他趁與阿J討論時扮「唔覺意倒瀉嘢」到阿J身上，再帶阿J到廁所，然後阿豪找方法整暈他及阿J，阿K表明「唔會郁手」，最多只會陪同他們看文件及在廁所外「睇水」。不過他們發現觀塘海濱太多閉路電視鏡頭，他們本已否決在該處打劫，阿豪堅持「不如都係冧佢啦」，他回應說「你鍾意冧咪冧佢囉，我唔知喇」。

3月4日清晨，他們回到DAN6單位後，阿豪吩咐他及阿K「你哋兩個搵到地方老笠再同我講，我瞓覺先，我郁手咋」，因此他及阿K上網搜尋打劫地點。在單位內他們3人繼續討論打劫計劃，有人提議先購哥羅芳、麻包袋、繩、手套等，他聽從建議外出購買。

他的代表律師及法官均問他，既然他到觀塘視察後已打消打劫念頭，為何及後仍參與購買物資準備打劫？他答「佢哋話係你有錢，你去買，用唔用到都好，都買啲嘢返嚟準備」，法官追問他何不直接交低一、二百元給阿豪及阿K，他說「我習慣出錢要自己去買，錢唔過人哋手係我嘅習慣」。