遭Benz霸車位　車主拒絕公審：體諒吓可以好有愛

20180512
  • 東網電視
    更多新聞短片
    有司機大意泊錯車位，留下道歉紙條。（設計圖片）
    拍照公審成潮流，但有人則選擇包容。近日有車主發現租用車位被霸，不但未有大動干戈，反而留下紙條好心提醒。窩心的行為獲網民大讚！
    發貼者於周四（10日）在Facebook群組「馬路的事討論區」，上載泊錯車位的司機道歉紙條，娓娓道來背後的故事。
    當日他回到停車場時，驚覺租用車位被一輛平治私家車霸佔，遂寫下紙條提醒：「早晨，你現在泊車的車位是我的。請泊回你原先的位置，感謝。」字裏行間未見責怪，其後他更將自己的車輛泊到旁邊的空置車位。
    未料翌日對方竟同樣留下紙條，向發貼者道歉：「昨晚真不好意思，因太攰而放錯你車位。真感謝你」。
    發貼者藉經歷慨嘆，以往駕駛者之間較多包容，惟現今車友多以獵奇心態上網，每每以圖片及短片聲討，「好似鬥多有獎咁」。他希望駕駛者能互相包容，「有時多啲體諒，馬路都可以係好有情嘅地方」。
    二人被網民大讚君子，更對發貼者說法大表贊同，「個個唔係食花生，就做道德判官」、「態度可以化解好多不必要的爭吵」。惟有人亦質疑包容只因有車位，「連時租位都冇得泊仲會唔會咁包容」。
    ---------------
    《港呢啲》：大事小事騎呢事，東網嚴謹選題，輕鬆製作！