政Whats噏：飛甩劉業強　劉太赴英探仔女

身兼行會成員、立法會議員、屯門區議員同新界鄉議局主席嘅劉業強，可謂同時打四份工，忙嘅程度真係不敢想像，唔知佢仲有幾多時間陪屋企人呢？劉業強早前同太太劉葉愛愛一齊出席活動，劉太爆料話老公好少去探三個喺外國讀書嘅仔女，就算有假期都未必得閒，劉太都理解老公工作忙碌，所以她多啲出門，飛去海外探仔女囉！

劉太話通常有假期就會飛去英國探大女同二仔，仲話佢哋已經喺英國四、五年左右，識得安排行程帶佢去玩，但由於對仔女喺唔同的學校讀書，為求方便大家就約喺一個「中間點」集合，結果有時啲仔女都未必熟路，去到都係一齊探路、一齊問人。

問到驚唔驚仔女會突然帶埋男或女朋友出席，劉太就話以前有同仔女講過入大學前唔畀拍拖，但依家大個咗都冇所謂喇，仲話帶個外籍男女朋友嚟都冇問題添！