工人搬貨 心急女搶入𨋢 再撳火警鐘投訴

2018年05月18日 13:47
東網電視
更多新聞短片
上樓啫,使唔使咁搏呀?(設計圖片)

做乜霸住部𨋢呀?有網民在Facebook群組「巴打絲打 Facebook Club」發貼,指一名女士在工人搬貨途中,欲搶先入閘乘升降機上樓,雙方爭持不下,互相拍片!

發貼者說:「突然遇到個女人走咗入𨋢,話要畀佢上去先。之後班運輸(工人)就同佢理論,叫佢守秩序排隊等等,個女人就話你唔畀我上去先你就唔使旨意上貨。其實隔離(籬)都有架𨋢,唔知點解個女人係都要搭呢部?」

影片可見,該女士以腳擋住升降機門,又不斷用手按動升降機內的警鐘。搬運員一方則先有人小聲說:「辣佢吖、辣佢吖」,隨即開火,向該女士喊:「都唔知係咪大陸落嚟㗎!」、「Hold住個𨋢,又唔畀人上貨,又要遮住個樣,真係肉酸呀啲人!」

網民議論紛紛,有人說:「個女人似做運輸多D(啲)」、「我以前做傢俬果(嗰)陣未見過咁既(嘅)人,但做速遞送件就遇過無數次。真心燥(躁)底!」,亦有人想知結局:「知唔知最後點呀?」你又有咩意見?
---------------
《港呢啲》:大事小事騎呢事,東網嚴謹選題,輕鬆製作!