網民熱話:的哥撞車即閃 網民實時追蹤半粒鐘緝兇
20180522
東網電視
更多新聞短片
網上流傳的車Cam指,有的士哥撞到後面車輛不顧而去。(小心駕駛(討論別人駕駛態度) fb)
網民力量真係可以好大!有車主在Facebook群組「小心駕駛(討論別人駕駛態度)」上載車Cam短片,有的士司機撞到後面車輛後不顧而去,由於車Cam清楚拍下的士車牌號碼及司機樣貌,車主在網上展開「緝兇」行動。
眾多網民不忿的士司機無賴行為,加入「緝兇」行動,竟有網民在短短半小時內留言指,見到該名的士司機,並不斷更新位置,讓車主成功找到的士司機,文字直播兩人見面和解情況,過程緊張刺激。
車Cam的重要性不用多講,有網民留言指「你條的士佬撞完就走,當無人知,你唔找我,我就赧(報)警」。該的士司機的行為亦引起公憤,網民除力勸車主報警外,更發揮互助力量,展開實時緝兇。
事件亦吸引不少網民留名食花生,直擊網民協助車主成功「緝兇」,網民亦好負責,留言講番結果,指雙方簽和解書後就散場。
網民有話說
Ka Wai:呢場花生戲好睇過今日場波
Eddie Ma:有史以黎(嚟)最精彩既(嘅)假日節目!
Barry Ho:話佢知有幾百人知道佢今朝撞完人哋架車走咗去,好快有警察搵佢!
Joseph Ng:劇情真係峰迴路轉嘞
※緊貼網民熱話,掌握最熱話題,請關注網民熱話fb: