網民熱話：大潭塞爆忍無可忍　貼文串爆假日司機

每逢假日到南區遊玩的人絡繹不絕，大潭道車流大增，但由於車道狹窄，一旦假日司機駕駛經驗不足，容易塞爆大潭道，連累其他車輛及遊人塞車。有飽受擠塞之苦的南區市民在網上發出溫馨提示，勸誡「駕駛技術欠佳」以及「膽小」的司機，請勿再不自量力駛過大潭道，以免阻礙其他道路使用者。

Facebook專頁「南區交通 Southern District Transport」周日（20日）貼文表示，當日趁假日到大潭道視察，發現短短半小時內，便兩度有駕駛者因未有讓路，而在狹窄路段卡住，導致現場十分擠塞。

專頁貼出照片，指其中一個個案，是一架平治私家車，正擋在滿座的雙層巴士前，因狹窄路段未夠兩車駛過，而進退維谷，大批尾隨巴士後的私家車也被牽連，未能駛過大潭篤水塘的水壩。

因此，該專頁溫馨提示一眾假日司機，因為路面狹窄，當巴士經過更要先讓其駛過才進入該段大潭道，一旦有人「駕駛技巧生疏」，卻「自我感覺良好」，便會為他人造成麻煩。貼文更羅列多條巴士路線的資料，提議他們可以放棄駕駛，轉乘公共交通工具去郊遊。

無獨有偶，另一個Facebook專頁「東區交通 Eastern District Transport」亦因應同日擠塞，提出批評，直斥「『假日牌』、『雪藏牌』或唔熟路司機，唔好懶醒一枝箭衝」。不過專頁同時指出，如果「不小心」衝出去就不要停在路中心，因為巴士車長已經「有經驗知點樣避你」，建議司機「畀啲信心靠左行埋過去」。萬一不熟路但又想遊玩應該怎辦？專頁就勸喻，「等專業車長載你去，好過自己盲舂舂揸車」。

網民有話說

Gerald Luk：乜有人自認技術欠佳咩？

YH Leung：為咗腦殘而加交通燈，不如叫政府釘腦殘牌好過

Kenneth Pau：車住女唔衝咪好無面

Jason Chau：架巴士左邊闊到A380都過到啦....又唔泊埋啲！

Tang Leo：只要真係有一次發生抄車撞落壩，否則政府一日都唔會做嘢作出改善

※緊貼網民熱話，掌握最熱話題，請關注網民熱話fb：

http://on.fb.me/1L3m1ro