政Whats噏：港大畢業生議會改選　前主播加盟

香港大學畢業生議會將於周四(24日)起舉行周年大選，改選常務委員會其中8席位。一如既往，港大校友關注組繼續推薦新人「入局」，今年包括前主播吳秀華(Fifi)。唔通關注組召集人兼教育界立法會議會葉建源覺得陽氣太盛，搵靚女參選，既吸睛又好推銷，可調和吓氣氛？

關注組派出3名代表參選，包括已任委員18年的賴振鴻，及首次參選的廖振華和Fifi。另外關注組友好、港大校友陳思詠都一同參與。按目前畢業生議會24名常務委員中，扣除8個要改選嘅席位，有12人都是關注組成員或好友，如今次再度順利將上述4人送入架構，畢業生議會內六成人都係關注組嘅人。

被問到點解參選，Fifi先聲明本科係喺中大修讀，至近年先喺港大修讀碩士課程，而參選只係「心繫一個城市」。佢話能夠以一個城市名命名嘅大學，係有其代表性及地位，近年港大爆出多個風波，認為有些事需要去保護同捍衞，咁又認識咗葉建源等各位「師兄」，就覺得要參選。

4位參選人嘅政網主要有3項工作，包括匯合校友意見、凝聚發展共識；檢視管治改革、捍衞院校自主；推動籌款工作、貫徹發展願景。關注組早前成功於議會中，推動校友網上意見調查，預期新校長張翔稍後履新時，可以將意見一併交張考慮。