政Whats噏:議員齊下廚獻技 麥美娟爆冷奪冠

20180522
東網電視
更多新聞短片
麥美娟(左)同拍檔(右)烹調出一碟泡菜炒雞肉。(受訪者提供)
扶康會今(22日)舉行烹飪比賽,邀請到多位立法會議員同智障人士組隊烹調美食,今年賽果竟然爆大冷,由平日甚少下廚、事前全無準備嘅立法會議員麥美娟(Alice),憑泡菜炒雞肉勝出!
Alice直言完全無諗過會勝出,因為烹調期間蝦碌百出,好似連電磁爐都唔識開,又將雞肉放落鑊後先發現未切等。佢就估計,今日可以俘虜評審全靠大會為佢預備嘅泡菜,所以要點名多謝包泡菜喎!
佢更表示,今次奪冠都無為佢打下強心針,因為佢深明自己只係撞彩,而且平日唔會有時間煮嘢食。不過,Alice就大讚拍檔夠晒合拍,而且對方知道佢唔識烹調後更負起指揮責任,所以佢今日能夠奪冠,都係全賴呢位好拍檔喇!
雖然Alice自言同拍檔合作無間,但就同傷健合拍烹飪大奬擦身而過,因為呢個奬項最終落入煮出生炒牛肉飯嘅議員邵家臻度嘞。