抱B媽媽無手拎錢 遭小巴司機刁難 網民鬧恃B大晒

20180523
東網電視
更多新聞短片
媽媽發貼狂呻,斥遭小巴司機刁難。(設計圖片)
跟足規矩定人情行先?近日有媽媽於網上狂呻搭小巴的不快經歷,指自己因手抱着初生嬰兒,欲下車才付款,誰料被司機鬧足全程,甚至想趕她落車!
貼文於周一(21日)上載到Facebook群組「Fanling 粉嶺」。發貼者指於當日下午約6時上車,當時小巴上只剩下車尾一個空位。由於她手抱着嬰兒,未及騰出手取八達通,故向司機稱下車時才付款,不料司機表示︰「唔得!要上車畀錢,唔畀錢就落車」,同時指示其餘候車乘客上車。
雖然她其後獲好心人代為取卡付款,惟司機仍沿路追擊,斥其走數。她心有不甘,待乘客全數下車後,上前到車頭位置理論,「我抱住BB企咗喺度,佢就唔理,想關門照開車」。她澄清自己非存心走數,怒斥司機不知所謂,「佢真心癲癲地」。
貼文惹起網民爭論,有人力撐發貼媽媽,大數小巴司機不是,「抱住個B上小巴好有壓力的」、「呢啲人真係欺善怕惡」。有部分留言則質疑事主「恃B享特權」,「明知自己上車就準備定錢啦」、「畀你後補拍卡係人情,唔畀你係道理」。
你又撐邊個呢?
---------------
《港呢啲》:大事小事騎呢事,東網嚴謹選題,輕鬆製作!