網民熱話：惡租客欠租5個月　業主收租反被粗口辱罵

20180524
  • 東網電視
    更多新聞短片
    有網民稱旺角某商場有女租戶欠租5個月，業主到場收租反被辱罵。(Facebook圖片)
    業主最怕遇到惡租客，收不到租金還換來一肚氣。近日有網民表示，旺角某商場有女租戶被指欠5個月租，業主到來嘗試收租，反被「鬧返轉頭」。路過網民不值女租戶所為，於是貼文諷刺批評：「真係英雄本色，債仔惡過債主」。
    東網聯絡到發貼網民，該網民稱，涉事店舖業主被欠租5個月後，曾致電租戶催促交租，但對方不接聽電話。其後業主到商場與對方理論，雙方更互罵，網民慨嘆，「欠人錢仲惡過人」。該網民亦聲稱這名女租戶在商場「薄有名氣」，「平時喺商場蝦蝦霸霸」，霸佔公眾地方、阻塞走火通道，更稱「消防及管理處都吹佢唔脹」。
    有網民提出不少建議，希望業主可以收回租金，「揾律師或業主自已去土地審裁處申請收返間舖」、「去追數都帶多幾個人啦，惡過佢先得㗎」。不過也有人認為業主太善良，好難收回租金，「你睇業主講粗口都咁好聽就知佢善良」，也有網民「看透世事」，「其實一向都係債仔惡過債主」。
    網民有話說
    Marvelous Marvelous Wong：都係揾律師或業主自已去土地審裁處申請收返間舖
    Wai Hung Mak：去追數都帶多幾個人啦，惡過佢先得㗎。
    Belinda Lam：佢業主咁流㗎，拿拿聲叫執達吏封鋪啦！仲同佢講咁多
    John Mong：你睇業主講粗口都咁好聽就知佢善良，同時又要慳皮唔搵執達吏。
    Shan Shan Lau：其實一向都係債仔惡過債主
    ※緊貼網民熱話，掌握最熱話題，請關注網民熱話fb：
    http://on.fb.me/1L3m1ro