網民熱話：糖水舖唔憂做爆粗？老闆下逐客令：好扯喇

愈來愈多食店擺明「寸嘴」待客，以「冇服務」的服務態度作招徠，受唔受見人見智。有女食客稱昨晚（24日）獨自到西環一間老字號食店食糖水，快吃完時打算「碌手機」消化一下，豈料被坐在收銀處的老闆當着一眾客人面前喝罵：「你坐咗個幾兩個鐘，好扯喇喎！」雙方爭執間老闆更爆粗直斥：「Ｘ你老Ｘ，你收聲啦，扯啦！」令女食客在網上大呻：「我未試過咁樣被人問候我娘親！」

事發昨晚9時許，該名姓鄭女子在西環一間著名糖水舖用餐被辱罵，她向東網表示，當時店內人流頗多，但門外無人等候。當她坐下用餐直至埋單，只在半小時內，卻無辜受到喝斥，雖然她嘗試反駁：「老闆，你要客交桌畀你都唔係咁嘅語氣，況且我冇坐個幾兩個鐘！」但最終仍被粗口問候。

她將事件上載到Facebook群組「24小時膠通消息報導 (膠Group@ 環球膠報)」，希望有網民主持公道，雖然有人認同該店不禮貌待客，但亦有人質疑鄭女：「好哋哋人哋點會鬧你，肯定你有錯啦！」惟她堅持清白，更上載八達通紀錄，證明出入時間與描述一致，並無長時間霸佔座位。

東網致電涉事店舖，起初被一名男子掛線。其後再次致電，有一名店員含糊其辭回應，指或者有人「攤喺度打機」後，便急急掛線。

網民有話說

Kaka Ken：合乎店情。

Crystal Lam：係都唔奇！我不嬲都覺得Ｘ記好臭寸！

Carey Hon：佢間舖上至老闆下至員工都咁Ｘ寸，你去得就要接受，我住咗喺正街30幾年，10幾歲之後就無幫襯過。

Andy Cheung：人哋做糖水，妳唔自律坐得耐，係妳唔尊重人在先。

Wesley Wan：可能別有內情，我就唔信坐半個鐘都會無啦啦畀人罵。

※緊貼網民熱話，掌握最熱話題，請關注網民熱話fb：