第一風即蝦碌！早2個鐘掛風球　天文台認手民之誤

今年第一個風襲港，連天文台都緊張到「蝦碌」！南海風暴已進入香港800公里範圍，本港今晨11時20分發出一號戒備信號。不過，香港天文台的手機App今早(5日)接近10時50分左右，突然推送通知指「一號戒備信號已於上午9時25分發出」，嚇煞市民。天文台官方網頁亦於同一時間發出更新通知，卻指「一號戒備信號在上午11時20分發出」，惟當時仲未到11點。天文台連續兩次出錯，更惹來「偷步」掛波之嫌。

而幾乎同一時間，澳門氣象局發出當地今年首個1號波，唔通大家咁都要爭第一？天文台就咁向東網解釋，「其實係我哋一個技術上嘅Error(錯誤)，我哋強調依家（當時）係無發出一號風球。」天文台網頁隨後亦發出澄清啟事，確認「一號戒備信號的生效時間為上午11時20分。較早前因手民之誤，令信息提早發放。對於可能造成公眾不便，謹此致歉。」

天文台「偷步」掛波惹起網民熱議，Facebook專頁「Tai Po 大埔」內不少網民嘲笑天文台掛波出現「時差」，有人更笑稱今個颱風是「鬼影變幻球」。有網民又笑言一號波何需預告？其實過往天文台從不會提前發佈懸掛一號波的預報，今次純粹手誤掛波。