網民熱話：粗暴摘楊梅團長致歉　指團友貪玩感內疚

本地遠足團體「青山友之行」昨（7日）被指於周日（3日）組團上山粗暴摘楊梅，被不少山友抨擊，涉事遠足團團長終致歉，向東網表示會「經一事，長一智」，更稱一切責任由他一人面對與承擔，與同行朋友無關。最後提及「愛護郊野公園也是我們職責」，並作出公開道歉。

「我係隊長我責任最大！」涉事的青山友之行隊長林先生向東網表示，當時一行數十人的團隊上山觀賞，礙於天氣炎熱，團友「貪玩」，所以爬上樹搖楊梅。他形容，「我當時行喺後面，行到過去見到啲梅已經喺地下。」又謂「正常我一定會阻止」，並指團友感到內疚，「保證唔會有下次，一時貪玩，冇心」。

不少群組成員大讚林勇於認錯、肯承擔，希望事件盡快告一段落，但亦有人堅持在農村只是平常事，只是有人存心借故炒作。

惟有心水清讀者在東網Facebook專頁留言，認為林說法不盡不實，未能平息憤怒：「睇完仲嬲喎！佢本身個團就係打正旗號去搵楊梅嘅，依家講到行過口渴貪玩去摘，而佢又行後便阻止唔到咁。而且口講責任承擔，咁請問承咗啲咩？比如入山種返啲種子？開過一團係保育樹木教學？」

※緊貼網民熱話，掌握最熱話題，請關注網民熱話fb：