雨遮互撞掀罵戰！阿叔揮傘狂舞　怒插小巴車窗

夏天為大地帶嚟雨水，更間接牽起雨遮攻防戰？近日網上有片段指，有一對中年男女疑因雨遮問題，與另一名男子展開罵戰，甚至以雨遮作「劍」，瘋狂揮舞，引起網民熱議。

Facebook專頁「全心荃灣」轉載片段，據發貼者指，星期三（13日）中午12點許，有一對中年夫婦經過荃灣河背街時，疑被一扶老攜幼家庭的雨遮撞到。發貼者稱，該夫婦聲言要報警，又用雨遮指嚇該家庭。

從片段可見，該家庭已走上小巴，惟該對中年男女在車外大罵︰「你影乜X嘢呀」、「你唔好X撞到我把遮！」該中年夫婦又不停開合雨遮，用遮在車門中左右狂掃，又以遮把狂篤小巴車窗。

不少網民嘲諷片段有如鬧劇，又笑言「（中年夫婦）係咁打部車，點解司機唔鬧佢」。有網民則認為，「條片冇頭冇尾，拍片嗰個可能都有份撩人」，直斥拍片者「乜都影一餐」。

到底雨遮戰有幾精彩？即刻睇片啦！

---------------

《港呢啲》：大事小事騎呢事，東網嚴謹選題，輕鬆製作！