政Whats噏：痛心兄弟掩良知　林子健嘆友情僅值$300

喺舊年8月聲稱自己被擄走，最後被警方以涉嫌誤導警務人員罪拘捕、後改控向警員虛報有人犯罪嘅民主黨(白鴿黨)成員林子健，早前喺社交網站撰文「說出心底話」，稱被泛民放棄同自認係「卒仔」，今日(17日)佢又喺社交網站提及單案，仲話最痛心喺嗰啲平時稱兄道弟嘅人，喺政治現實下掩蓋咗佢哋嘅良知同承諾，仲話原來友情只價值300港元。究竟呢300蚊係點計出嚟？佢就冇提及。

林子健喺貼文中提及除咗對嗰班稱兄道弟嘅人士感到痛心之外，仲批評佢哋唔知真相、過程同嗰啲所謂嘅證據，但總覺得自己係福爾摩斯咁說三道四。究竟講咗乜嘢呢？佢又冇提及。

其實林子健曾喺白鴿黨嘅「真兄弟事件」中，被黨內元老指派擔任臥底，調查黨內少壯派懷疑遭中共滲透的指控，事後佢被部分黨友排斥同攻擊。唔知佢貼文中所講嘅稱兄道弟嘅人，係指乜嘢人呢？抑或係指黨內人呢？咁就只有佢自己先知嘞！

最後佢又話同意某啲人所講，若果佢係一個英俊嘅人，至少會獲取更多嘅信任，又自嘲話可惜外表方面，亦唔係佢能控制同改變喎。