政Whats噏：濫用公務探訪有先例　游蕙禎謝絕

上年「雙學三子」黃之鋒、羅冠聰及周永康被判入獄，就被揭發泛民議員濫用「公務探訪」制度探監。而現時青年新政游蕙禎亦身陷囹圄，佢就向議員反映謝絕公務探訪，唔知係咪因應先例而有所顧忌，免再起爭議呢？

游蕙禎因衝擊立法會而被裁定非法集結罪成，喺今個月初被判入獄4星期，目前正於羅湖懲教所服刑。有議員就話喺今午(19日)去過探游蕙禎，形容游身體同精神都好好，依舊靚靚喎。不過，游蕙禎就謝絕公務探訪咁話，因為唔想監倉內其他人要工作，佢就有得行開，明顯唔想再引起公務探訪嘅爭議，畀人話坐風流監喎！

另外，該名議員又引述話，游蕙禎會繼續裝備自己面對未來咁話喇。其實游蕙禎Facebook喺上星期初都有更新，並上載咗佢親筆撰寫嘅文字同繪圖，畫上8個笑臉同寫住一切安好，仲話「我適應到」。