你要知：忽然球迷睇世盃 學識4招唔怕露餡
20180622
東網電視
更多新聞短片
陳偉豪笑言睇波應先買波衫，會看得較投入。(關萬亨攝)
你的身邊，有沒有一些平常不會睇波的朋友？你的另一半，會否像朱先生的女朋友般：「成日問我（球場）幾時完囉！佢成日話我（情緒）太高漲。」又或者你會否和劉同學一樣，湊熱鬧與家人一起看世界盃，「但係都睇唔明......唔想學呀，因為太複雜喇！」其實，面對4年一度的盛事，只要向前香港足球代表隊隊長陳偉豪偷師，學懂以下4招，並可成為一個合格的「忽然球迷」，一同投入世盃狂熱！
首先，一定要買件波衫！身穿阿根廷球衣的陳笑言，「起碼係扮吓球迷先，就算你唔係睇開波，着住件波衫都會投入啲！」其次，跟大隊，「人嗌你就嗌，人噓你就噓，咁就實冇死，人哋都唔會知你唔識波。」至於一場球賽的必嗌位，他表示射波入波最刺激，「入會嗌，唔入會嗌得特別大聲，如果係入球靚波就直頭嗌到拆天咁！」這些時候盡情大叫，更可趁機釋放生活壓力。
睇波初哥大多都會對賽例有疑惑，但頻頻在球賽中段問問題又會惹人討厭。陳建議，「唔好問住，留意吓先，一齊湊下熱鬧！」他指，聽得最多的問題真的是「什麼是越位？」但要向人解釋的話，「可能一次兩次，但第三次呢真係，唉，好煩！」不過就何謂越位，他仍會耐心指導兒子，會先作示範，再用打尖的概念向他解釋。
陳亦提議情侶先留意另一半支持的隊伍，「千祈唔好打對台，最好一齊捧一隊咁就大家開心！」他又認為觀看世界盃，是聯誼和打開話匣子的好時機，「識唔識睇都要出去一齊感受下啲氣氛，一齊去聚吓舊。」他亦指，睇波是一個親子活動，「我覺得係仔同老竇嘅一種共同回憶，所以今年就算個仔唔睇我都會捉佢睇。」
除了以上4招，陳又分享了一些「心水」。他認為，西班牙、葡萄牙、阿根廷都是今屆世界盃的必睇之選，「我本身鍾意美斯，個人能力強，希望可以睇到佢捧盃。」他更指，希望通過世界盃，令平常不會睇波的人認識足球運動，嘗試帶動更多人睇本地波。
支持德國中場球員奧斯爾的朱先生笑言，和一班朋友看足球比賽的情緒會較為高漲，氣氛亦較好，會看得更投入。不過，說到與另一半看世界盃時，對方最常問的問題，是「場波幾時完？」劉同學也笑指，會湊熱鬧與家人一起看世界盃，但球例太複雜「睇唔明」。
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！