有乜前傳？Van仔硬攝貨車　急煞玩出火？

為一時之氣嚟個玉石俱焚？近日網上有片段指，有貨Van越過雙白線爬頭，再閘貨車去路，雙方在公路上糾纏一番後，最終攬炒收場！

片段在星期三（20日）見於Facebook群組「小心駕駛（討論別人駕駛態度）」，事發於龍翔道近豐力樓，一輛Van仔與貨車正往黃大仙方向並排行駛。惟Van仔突然越雙白線至慢線爬頭，再連切兩線擋在貨車前。

片段只見Van仔刻意減慢車速，正當兩車在馬路上爭持之際，Van仔突然重煞，尾隨的貨車疑收掣不及，「轟」的一聲撞向Van仔。

片段一出，旋即引起網民熱議。有網民直指「貨Van玩嘢」、「特登慢線抽出去貨車前收慢」，笑言結果「玩出火」，亦有網民指是貨車「跟車太貼」，推斷兩車相爭「應該有前傳」。

想睇當時情況係點？即刻去片！

---------------

《港呢啲》：大事小事騎呢事，東網嚴謹選題，輕鬆製作！