巴士對正站頭埋站，係咪真係咁重要？近日網上流傳一段影片，指有候車乘客疑因不滿司機埋站過前，上車怒罵司機，更聲言「一定投訴你」！

片段於星期三（28日）上載到社交群組「巴士的事討論區」，從片中可見，一名男子於司機位旁不斷向司機表示「你等住接受我嘅投訴」、「我話你知吖，KMB遲早炒人」。

發貼者透露，當時42M線巴士和49X線巴士同時駛至荃灣橫龍街巴士站，涉事司機為免造成阻塞，特意駛前半個車位，讓兩輛巴士同時埋站，又用手示意候車乘客上前。惟該男子疑有不滿，上車即怒罵︰「X街！做咩要駛咁前上客」。

不少網民為巴士司機抱不平，認為只是小事一樁，「司機都冇飛站，投訴不合理」、「係咪要玩按章工作，站站都等停站頭，有違例泊車便等他離開」。

---------------

《港呢啲》：大事小事騎呢事，東網嚴謹選題，輕鬆製作！