網民熱話：湯麵淋背脊 食客粗口還擊被斥無品？
20180703
東網電視
更多新聞短片
侍應意外將湯麵倒至食客背部，令食客十分憤怒，連番爆粗。(互聯網)
常有人叫香港人多包容別他人，若侍應失手將湯麵落到你身上，你能否小事化無呢？昨日(2日)就有女食客在沙田一間麵店用餐時，被一名女侍應將湯麵倒在背部，侍應雖馬上道歉，惟女食客及其丈夫不理其他店員勸阻，不斷用粗口謾罵女店員，在場食客不禁嘆道，「唉，服務業對住呢啲客真係慘」。
「人哋都道咗歉啦，算吧啦！」網民指，意外後，女事主第一時間大聲斥責女侍應，聲浪愈來愈大，在場食客及店員出言勸交，卻惹起女事主及其丈夫不滿，二人以粗口反擊，指摘其他食客多管閒事，女侍應連番大聲道歉，「對唔住，係我嘅錯」。最後，一名相信是店長的男子出言安撫，並將帳單取走，相信是免去其收費，事件才告一段落。
有網民指女店員的過失相當重大，女食客的反應乃正常反應，「成碗麵淋落嚟，鬧人都正常！畀我都罵啦！」亦有大批網民指「針唔拮到肉唔知痛」、「熱湯倒落背脊，鬧人都正常啦！唔係淋你，你梗係話原諒個店員啦！」。
影片在網上流傳期間，有自稱女食客友人亦於網上反擊影片上傳者，「朋友事後發現身體被湯淋到紅腫！」斥責他們小事化大之餘，又將事主夫婦形容為無品客人，有搬弄是非之嫌。
網民有話說
Fiu Tin So：老實講，如果係你畀人成碗麵淋去背脊，我相信你都會鬧...
Ng Kin Wang：淋咗喺身上，畀人鬧下都好正常。道歉大晒咩？我淋你，跟手同你道歉得唔得？
Chris Leung：咁淋到人，嬲係正常嘅。不過咁樣鬧人其實無用，不如叫佢小心啲，唔好再整親人仲好啦！
Ray Chan：唔係所有嘢道歉就得，試下換係你自己？
Jojo Yuen：罵得過份咗 有理變冇理啦！
※緊貼網民熱話，掌握最熱話題，請關注網民熱話fb：