每日一片：的士切雙白掉頭遇警察　旁觀者拍爛手掌

揸車唔睇倒後鏡，果然隨時出事！近日網民‎Siu Man Yu在網上社交平台群組分享一段車cam影片。片段直擊一輛的士在馬路切過雙白線，兼且U-turn掉頭，停泊路邊。在的士後面，赫然是一輛鐵騎警車，前車的違規行為無所遁形。網民看過影片後，紛紛嘲笑的士司機「人蠢冇藥醫」。

影片攝於本月5日，涉事的士是拍片車輛的「對頭車」。目擊整個過程的拍片司機，不斷在鏡頭外拍手，並笑言：「好嘢好嘢！的士佬就咁雙白掉頭，阿sir就跟X住佢後面！」影片廣泛流傳，不少人均指的士司機「唔睇後鏡，抵死！」有眼利網民更發現，「今舖（警員）一箭雙鵰，先打違法雙白的士，再打前頭架的士入巴士站，呢舖飽晒！」