倫敦金fb有樣睇?正向金句氹人落疊

2018年07月12日 16:08
東網電視
更多新聞短片
倫敦金經紀連fb都有樣睇?

倫敦金騙案引起全城關注,疑似經紀的社交平台更被大起底!除了大量炫富照片,他們還會鼓舌如簧,哄騙受害人加入「致富團隊」,到底佢哋講啲乜?

自稱「倫敦金經理」、「投資經理」的他們,不時強調「積極正面」的心態︰「誠意邀請有上進心嘅你」、「你夠唔夠膽成功」、「靠男人你最多是王妃,靠自己你就是女王」、「用3個月嘅時間,去博一個未來」!

他們看準年輕人的置業夢,聲言短時間內能輕易致富︰「1年內金錶!瑪莎!新樓!樣樣有」、「批量90後身家過千萬成功例子,買樓買車不是夢」、「為咗急住做孝順仔,我竟然再創樓價新高,買樓買到上報紙」。

此外,他們更不時上載「收入」照片,大晒大疊金錢及巨額支票,「一晚盈利9萬美金,又要諗吓點奬勵自己」、「維持呢個氣勢,每日都要入一球(100萬元)」。

至於以上金句有幾多成係真?各位醒目嘅讀者就自行判斷喇!
---------------
《港呢啲》:大事小事騎呢事,東網嚴謹選題,輕鬆製作!