政Whats噏︰黃遠輝減公職 為大辯論做準備

2018年07月13日 22:01
東網電視
更多新聞短片
黃遠輝罕有地公職「減磅」,可能係要為土地大辯論做好準備。

向來有「公職王」稱號嘅土地供應專責小組主席黃遠輝,罕有地獲政府開綠燈「減磅」公職。話說佢最近四出就土地大辯論收集社會各界意見,加上早前有港府高層放風,唔想10月施政報告於土地供應問題上「交白卷」,睇怕佢未來2個半月實忙到氣咳,至少要匯集民意對造地選項嘅初步傾向供政府參考。

事有巧合,政府今日(13日)公布多個委員會嘅任命,黃罕有地公職「減磅」,其中有關負責就能源政策畀意見嘅能源諮詢委員會委員任命,合共有10人卸任委員,黃同會計師公會前會長趙麗娟等人亦退任;至於工業總會會長郭振華則獲再度委任為該委員會主席,任期於明日(14日)起開始,為期2年。

不過,政府同日委任離職公務員就業申請諮詢委員會委員,本身係委員嘅黃就繼續榜上有名,新任期由9月1日至2020年8月底。話時話,黃身兼咁多公職,睇怕真係要做好時間規劃喇。