每日一片：大媽冇得避雨就打人？拳拳打頭勁狠！

落大雨時想找個好位置避雨，實屬人之常情，因為避雨位置打交，又是否有點兒誇張呢？有網民昨晚（14日）在旺角街頭目擊兩名大媽，疑因有人要到排檔內避雨，而排檔負責人不允許，最後大打出手，其中一人更6度用手打對方的頭，十分「狼死」。

事發昨晚約10時，網民Leung Kwok行經旺角豉油街時，目擊一名灰衣大媽與一名紅衣大媽在一個排檔內發生爭執。片段所示，灰衣大媽手揪紅衣大媽頭髮，先將她撞向行李箱位置，再拳打對方頭部6次！期間旁邊不斷有人勸交：「你傻咗呀？你黐線呀？報警喇喎！」據悉，紅衣大媽是攤檔負責人，灰衣大媽則在附近為足浴店派發傳單，而事件其實有灰衣大媽被打的「上半場」。

其後一名相信是附近藥房職員的男子介入，扶起紅衣大媽，並勸她們不要再打。灰衣大媽一度唸唸有詞，欲再出手，男子再次將二人分開，並指「你哋兩個都一把年紀！」Leung Kwok事後將片段上傳到Fb群組「巴打絲打 Facebook Club」，惹來熱議。他回應東網時表示，當時正在避雨，聽到「（紅衣大媽）鬧交講到明，間舖係佢嘅，唔准企喺度避雨。」

不少網民看畢片段後，認為「冇呢個必要岀手打人，如果佢有仔女，見到一定心痛死！」亦有人留言批評，圍觀人只顧「食花生」，未有立即上前制止，「真係可悲。」

警方發言人表示，昨晚（14日）約8時45分接獲一間店舖的52歲姓梁女職員報案，指她與另一店舖一名56歲姓朱女職員因生意問題爭執，期間兩人互相襲擊，兩人沒有表面傷勢，拒絕送院。案件列作「在公眾地方打架」，交由旺角警區刑事調查隊第三隊跟進，暫未有人被捕。