食麵男疑講嘢大聲　遭惡食客利剪傷眼角

旺角發生傷人案。遇襲男子姓張（39歲），今日（16日）凌晨2時許，張偕同一男友人，到登打士街一麵店消夜。據悉，2人在店內食麵飲酒「吹水」，不亦樂乎，期間鄰枱3名身有酒氣男食客，疑不滿事主說話大聲，質問時雙方爭執，有人就地取材，取起豉油樽作勢「爆樽」，有人更擸來利剪施襲，張猝不及防，左眼角被刺中血流如注，險傷及眼，其友人則被嚇至目瞪口呆。

此時有人得勢不饒人，並以粗言穢語辱罵，「你仲講多ｘ餘嘢？我就係唔放過佢，我要個公道！」張則血流披面回應：「我係嚟食嘢咋！」有人手持利剪厲聲斥喝：「你嚟食嘢挑釁我做咩？我係被動，我都係嚟食嘢！」又喊道：「邊個公道，邊個唔公道，你自己知道！聽日瞓醒揾我，見到我打我都得！」麵店職員嘗試勸止不果，無奈暗中報警求助。

救護員接報趕至，替傷者作初步治療後，再由救護車送院治理。警方在附近一帶兜截，惜無發現，經初步調查後，案件列作傷人，交由旺角警區刑事調查隊跟進，正追緝涉案持利剪大漢，他身高約1.8米，中等身材，案發時穿淺色上衣，同時聯絡其同行人士了解事件。

據悉，上址麵店開業20年，未遇過同類事件，職員過往未見過傷人惡漢光顧。麵店事後照常營業，枱櫈未有損毀，地上只遺下小量血漬。