政Whats噏：前高官吸票勁　葉劉邀黎棟國做顧問

前高官知名度高，對政策熟悉，一向都有唔少人有興趣邀請佢哋加盟，相當搶手㗎。前保安局局長、新民黨主席葉劉淑儀本身都因為其前高官身份而廣為人知，自然識得睇準呢啲機會啦。新民黨今日(16日)公布，委任前保安局局長黎棟國、前消防處處長林振敏等人做新民黨顧問。搵前高官都搵番保安局同紀律部隊，唔通夠晒同聲同氣？葉劉接受查詢時就直認，其中一個原因係睇準前高官吸到票喎！

葉劉話，好早已經邀請黎棟國出任新民黨顧問，但考慮到前高官要有一年「過冷河」，所以黎棟國依家先出任顧問，她大讚前高官吸到票，而且對政策夠晒熟悉，呢啲專業嘅經驗好難得，可以教到新民黨唔少年輕人好多嘢喎！

新民黨亦公布委任香港專業人士協會會長、牙醫陳建強為新民黨顧問，葉劉話，希望可以加強與醫療及專業人士嘅聯繫。